Video
Read full review
2021-11-07
1988 views
假日喺赤柱行到攰攰地想搵間餐廳食，又唔想食咁貴，就俾我哋見到呢間喺赤柱廣場地下對住海旁嘅漢堡包店。呢間店淨係做burger加少少小食同埋好多飲品，雖然係獨沽一味，但係咁先做得夠精！📍手撕豬肉漢堡價錢 8/10味道 8/10喺一間平均百幾蚊一個包來講，呢個$89算幾抵，佢嘅食物質素係對得住$89嘅。慢煮豬肉保留咗佢原有嘅肉汁，再加上首詩豬肉，令到咬嘅時候唔會攝牙罅，配合香辣燒烤醬嘅酸酸甜甜同埋菜絲沙律，令到成件事唔會太漏。📍早餐漢堡價錢 8/10味道 9/10當日我哋喺假日下午六點前入座，所以可以食到weekend brunch。呢個breakfast burger同Menu上嘅cheeseburger 同 bacon cheeseburger好接近，但佢抵好多，仲多幾款餸，價錢只係嗰兩個漢堡除二！職員有問我哋塊新鮮牛肉餅要幾成熟，我哋揀咗七成熟，咬落去嘅時候仲好Juicy，加上蛋黃流流哋，雖然食嘅時候係有啲狼狽，但係值得嘅。唯一美中不足嘅地方就係燒烤醬搞到塊包皮好濕，影響咗口感。💌總結有咁靚嘅景配上美食，但竟然唔使收加一，值得一推。
呢間店淨係做burger加少少小食同埋好多飲品，雖然係獨沽一味，但係咁先做得夠精！
📍手撕豬肉漢堡
價錢 8/10
味道 8/10
喺一間平均百幾蚊一個包來講，呢個$89算幾抵，佢嘅食物質素係對得住$89嘅。
慢煮豬肉保留咗佢原有嘅肉汁，再加上首詩豬肉，令到咬嘅時候唔會攝牙罅，配合香辣燒烤醬嘅酸酸甜甜同埋菜絲沙律，令到成件事唔會太漏。
📍早餐漢堡
價錢 8/10
味道 9/10
當日我哋喺假日下午六點前入座，所以可以食到weekend brunch。呢個breakfast burger同Menu上嘅cheeseburger 同 bacon cheeseburger好接近，但佢抵好多，仲多幾款餸，價錢只係嗰兩個漢堡除二！
職員有問我哋塊新鮮牛肉餅要幾成熟，我哋揀咗七成熟，咬落去嘅時候仲好Juicy，加上蛋黃流流哋，雖然食嘅時候係有啲狼狽，但係值得嘅。唯一美中不足嘅地方就係燒烤醬搞到塊包皮好濕，影響咗口感。
💌總結
有咁靚嘅景配上美食，但竟然唔使收加一，值得一推。
手撕豬肉漢堡
$89
60 views
0 likes
0 comments
早餐漢堡
$119
54 views
0 likes
0 comments
Post
