殤城逆流 (Closed)

呢間Cafe主打英法料理，店名「殤城逆流」，寓意「紀念一個滅亡中的城市，只要人不死，香港人依舊能在逆流中掙扎」💛💗法式烤鴨胸配薯蓉 ($168)原隻鴨胸以烤焗形式烹煮，鴨皮香脆有彈性，鴨肉鮮嫩多汁，肉味香濃，油脂豐富🦆仲可以任食薯蓉，口感綿密幼滑帶牛油香🥔💗傳統英式早餐 ($148)All Day Breakfast有齊脆薯餅、煙肉、司華力腸、煙三文魚、炒滑蛋、漢堡扒、同沙律，非常豐富🍳當中最特別當然係自家製約克郡布丁，外圍微微香脆，中間凹陷綿軟，味道帶鹹🥧💗龍蝦濃湯煮青口 ($108)青口份量好多，每隻都鮮甜飽滿，用上龍蝦湯汁同忌廉煮成，味道鮮上加鮮，不過龍蝦味就唔算太濃🦞💗Childhood (榛子/餅乾）($58)Oreo 曲奇牛奶忌廉奶昔幼滑冰涼，Oreo味非常濃郁，加入厚層忌廉增加奶香，但榛子味就唔算太突出🍪💗雪梨桂花茶 ($68)花茶清甜帶桂花香，有清熱潤肺、止咳化痰功效🍐