Video
Read full review
2020-11-19
1655 views
❤️Welcome to Alice Tea Party🌹有咩Tea Set吸引到一見到就立即打電話去book? 除了靚，就係四個字：童心未泯😝。趁阿囡上星期有兩天學校假期（後來知道又停課了🙈），又剛好catch到早鳥優惠75折，再美其名幫姐姐慶祝5週年，10月尾已book定！無視爸爸在Whatsapp傳來一個😭emoji再加句無尾音既「我無份」😂😂😂 上星期三人開開心心hightea去🥂。#Simplicity 下午茶以《#愛麗絲夢遊仙境》為主題，個Teaset已充滿 #童話感，揉合故事內容角色包括兔先生🐰、瘋帽子🎩、紙牌人💂等，共12款鹹甜茶點，食物靚，擺盤更靚得無話可說，真的如置身愛麗絲的場景中，忍唔住狂影狂拍📸，連阿囡都拎個電話出來不停拍片🎥（雖然9成都鬆郁蒙😂😂）以為只係影相靚？你就錯啦！無論鹹點甜點都好有水準，絕對係精緻又好味😋，絕對有驚喜🎉#香煎煙肉珍寶帶子卷🥓煙肉捲着巨型帶子，煎至剛剛熟，嫩滑鮮甜，連鹹香煙肉一齊食真係好好味，識食既QB 二話不說據為己有，媽媽可以咬上一口已經係幸運。#黑松露野菌法式組合🍄香脆鬆化酥皮盒釀入濃郁黑松露野菌醬，味道相當match。#茉莉花法式
有咩Tea Set吸引到一見到就立即打電話去book? 除了靚，就係四個字：童心未泯😝。趁阿囡上星期有兩天學校假期（後來知道又停課了🙈），又剛好catch到早鳥優惠75折，再美其名幫姐姐慶祝5週年，10月尾已book定！無視爸爸在Whatsapp傳來一個😭emoji再加句無尾音既「我無份」😂😂😂 上星期三人開開心心hightea去🥂。
#Simplicity 下午茶以《#愛麗絲夢遊仙境》為主題，個Teaset已充滿 #童話感，揉合故事內容角色包括兔先生🐰、瘋帽子🎩、紙牌人💂等，共12款鹹甜茶點，食物靚，擺盤更靚得無話可說，真的如置身愛麗絲的場景中，忍唔住狂影狂拍📸，連阿囡都拎個電話出來不停拍片🎥（雖然9成都鬆郁蒙😂😂）以為只係影相靚？你就錯啦！無論鹹點甜點都好有水準，絕對係精緻又好味😋，絕對有驚喜🎉
#香煎煙肉珍寶帶子卷🥓
煙肉捲着巨型帶子，煎至剛剛熟，嫩滑鮮甜，連鹹香煙肉一齊食真係好好味，識食既QB 二話不說據為己有，媽媽可以咬上一口已經係幸運。
#黑松露野菌法式組合🍄
香脆鬆化酥皮盒釀入濃郁黑松露野菌醬，味道相當match。
#茉莉花法式燉蛋🌼
加上時鐘造型糖片點綴賣相超精美，Cream Brulee 最怕過甜，依個加入清香茉莉花，立即變得優雅又清新，一d都唔過甜，仲好滑溜，一路食一邊幻想自己真的如置身法國莊園的淑女般😂
#羅勒青檸乳酪慕絲蛋糕🍋
兔子造型夠晒萌🐰，青綠色既蛋糕酸酸甜甜咁，夾層慕絲有清新檸香和少許羅勒香草味，配上鬆軟海綿蛋糕，texture綿滑輕盈，食到飽飽地時嚐一口，立即開胃解膩。
#紅茶杯子蛋糕
有香濃奶茶香，能吃出粒粒紅茶末，butter cream香滑又不過甜，認真難得。
#伯爵巧克力馬卡龍
藍色帽子造型夠晒夢幻👒，馬卡龍外脆內軟很有水準，沒有太吃到earl grey味道，但味道不過甜，食完一整塊都唔覺溜。
另外加錢點了杯「#紅心皇后」特飲🍹，莓子梳打是預期中的清甜解渴。
食物是重點，但環境更值得讚許👍，由踏入餐廳一刻已如 #送自己一場童話旅程，裡裡外外都佈置得跟Alice in wonderland一樣， 撲克牌🃏、時鐘、紙玫瑰🌹、兔子🐰……總之十分好拍📸。
下午茶時間由1pm-5：30pm, 沒有限時，枱與枱之間空間多，不用顧慮社交距離問題；待上一個下午，絕對休閒寫意💞。
後來給我們發現原來還有個VIP房，沒booking時也可進去拍照，佈置相當華麗💯，喜歡打卡的朋友一定百份百滿足，Tea for 2也只是 $586（另收加一），我更是2大1小吃呢，好超值😝！
Post
