Wooden House (Closed)

一間好既餐廳唔係睇人流，係睇食材，成日聽朋友講北角有間餐廳食材非常高級，今日終於有時間帶屋企人黎食下。去到門口見到人唔太多，但裝潢就非常有特色，未食都覺得好高級，坐低唔夠15分鐘，人流開始出現，慢慢已經坐滿人。黎到餐廳第一眼就見到門外，餐廳內都有呢個美國西頂級穀飼肉眼扒配蛋黃醬已海報，當然要即刻叫一份黎試下啦，我叫左3成熟，餐廳超細心，上菜時已經切好一件件，真係高級貨，超級靚，外肥內廋，咬落去超淋，肉汁幾多幾濃郁，頂級美食。跟住在叫多個煙三文魚Pizza，我平時真係好小食Pizza，但呢個真心好好食，佢既材料有煙三文魚，中間夾住小小酸豆，煙三文魚上面放左芝士碎，最特別個皮，好薄好脆，比起出面食既薄批仲要薄，食落啖啖煙三文魚配上脆脆味，口感一流。最後叫多兩個支特別既手工啤，一支芒果加熱情果味，芒果味重小小，好香，仲有一支荔枝加熱情果味，同芒果味最大分別係有小小酸，但都係好香。呢到就算坐滿人，但感覺都好清靜，好舒服，拍拖黎食會非常浪漫。