十三少酸菜魚 (Closed)

想食酸菜魚唔一定要返大陸先有既，香港一樣有，質素仲唔錯添架～位於大角嘴既呢間十三少酸菜魚就係一個唔錯既選擇，隨便落樓食個飯的話可以考慮～因為我同朋友都有d喉嚨痛，唔係幾舒服，所以就揀左唔辣，但一樣冇影響到酸菜魚既惹味程度。唔辣既酸菜魚另有一番風味，味道清新好開胃，好好味。而且魚肉冇骨，清得好乾淨，可以放心大大啖咬。晚飯當然要叫返碟菜，我地叫左鮮魚湯浸翡翠苗，好鮮甜又幼嫩，冇乜菜既草青味。最後來個甜品～紅糖糍粑 好好食！糍粑本身有黃豆粉鋪面，再點埋提供既黑糖都唔會覺得好甜好膩，反而好夾！好快就俾我地清哂！