Video
Read full review
2020-02-27
20 views
日本電視劇深夜食堂好受歡迎，連電影都有，估唔到呢股日劇風殺到埋香港，連香港都有間叫「🌜深宵食堂🌠」嘅餐廳。一去到門口，已經見到差不多full晒，好彩仲有一張二人檯，啱啱好夠我同男友仔👫。呢度主打食燒物🍢，樣樣都好吸引，好難選擇呀！前菜叫咗個芝麻八爪魚🐙，夠凍又多芝麻。蒜片一口和牛粒，和牛肉質軟滑，細細粒，容易進食，蒜片令到成碟和牛粒更加香。鵝肝什菌石鍋飯，今次第一次食鵝肝嘅石鍋飯，鵝肝煎得好香，上面加上芝麻，將鵝肝混合石頭飯，成個飯都散發住餓肝嘅油脂香味，最後食埋脆口嘅飯焦，唔錯唔錯☺~ 鹽燒五花腩🐖，真係要比10個like佢👍👍👍💯，超超超好食，烤過後外脆內嫩，脂肪溶化咗之後特別香，帶有淡淡的鹽香嘅香氣。炸蟹餅🦀外表炸到金黃鬆脆，入面一條條幼細嘅蟹肉絲，配合埋沙律醬食真係無得頂。名古屋雞翼，外表夠晒脆，芝麻又多又香。肉嫩多汁，巧巧食呀！芝士蟹肉咖啡菇🍄，店員送上檯時已經聞到好香，大啡菇上面鋪住一層燒到金黃嘅芝士🧀，切開芝士下面係好幼細嘅蟹肉絲，大啡菇又香又juicy，3款配合埋一齊食實在太美味啦！鹽燒雞軟骨，我至愛嘅雞軟骨，必點！脆炸日本大腸，炸大腸嘅香味相信大家喺街頭都聞唔少，呢度
日本電視劇深夜食堂好受歡迎，連電影都有，估唔到呢股日劇風殺到埋香港，連香港都有間叫「🌜深宵食堂🌠」嘅餐廳。
一去到門口，已經見到差不多full晒，好彩仲有一張二人檯，啱啱好夠我同男友仔👫。
呢度主打食燒物🍢，樣樣都好吸引，好難選擇呀！
前菜叫咗個芝麻八爪魚🐙，夠凍又多芝麻。
蒜片一口和牛粒，和牛肉質軟滑，細細粒，容易進食，蒜片令到成碟和牛粒更加香。
鵝肝什菌石鍋飯，今次第一次食鵝肝嘅石鍋飯，鵝肝煎得好香，上面加上芝麻，將鵝肝混合石頭飯，成個飯都散發住餓肝嘅油脂香味，最後食埋脆口嘅飯焦，唔錯唔錯☺~
鹽燒五花腩🐖，真係要比10個like佢👍👍👍💯，超超超好食，烤過後外脆內嫩，脂肪溶化咗之後特別香，帶有淡淡的鹽香嘅香氣。
炸蟹餅🦀外表炸到金黃鬆脆，入面一條條幼細嘅蟹肉絲，配合埋沙律醬食真係無得頂。
名古屋雞翼，外表夠晒脆，芝麻又多又香。肉嫩多汁，巧巧食呀！
芝士蟹肉咖啡菇🍄，店員送上檯時已經聞到好香，大啡菇上面鋪住一層燒到金黃嘅芝士🧀，切開芝士下面係好幼細嘅蟹肉絲，大啡菇又香又juicy，3款配合埋一齊食實在太美味啦！
鹽燒雞軟骨，我至愛嘅雞軟骨，必點！
脆炸日本大腸，炸大腸嘅香味相信大家喺街頭都聞唔少，呢度難得有得食，又係必點，配少少芥末食，味道都幾新穎。
食住燒物點可以唔飲番杯🍻，點咗杯巨峰提子梳打，又冰凍又有好香提子味🍇，送燒物無得彈。
Post
