金沙角冰室 (Closed)

香港人鐘意懷舊就係人都知，今次就無意比我發現哩個位於太子嘅冰室，門面充滿6-70年代感，令到我不期然咁行咗入去❤️入到去比佢五光十色嘅霓虹燈吸引咗，入面仲放咗好古舊嘅街燈，中間嘅枱令我諗起電視劇嘅食野嘅攤檔，加上佈置更令我好似彷如係古裝街咁😚 卡位嘅設計就好似板間房嘅門框，真係好特別！我哋兩個女仔分別叫咗一個天使麵同一個飯，份量都okay 👍🏻 食哂岩岩好❤️ 法式忌廉海鮮燴天使麵 忌廉夠creamy，汁夠多，天使麵唔乾身😋海鮮正常發揮唔鞋口👍🏻浦燒鰻魚奄列蛋包飯配咖哩汁 鰻魚juicy，咖哩汁香濃，蛋都好滑👍🏻飯係炒飯黎，都炒得乾身😋 仲有個沙律伴碟 👍🏻 剛好可以balance返❤️一間咁有特色嘅茶餐廳真係好少見，位置仲要只係係太子站C1出口轉右手邊，過條馬路就見到，真係好方便👍🏻下次去再著靚靚影下相打埋卡先❤️