Video
Read full review
2022-01-27
332 views
星期一先食完，已經立即介紹俾朋友，因為實在係太高質！又抵食，環境又靚，服務又好！呢間一瀧 Ichitaki採用咗古色古香江戶前風格，有土藏造町家棧道、障子門、江戶手描提燈、石燈籠、浮世繪等，庭園景觀配合懷舊裝修設計，一入到去就好似返咗鄉下咁！餐廳除咗有居酒屋部分，可以享用爐端燒、壽喜燒及福岡鄉土料理，仲有sushi bar，店員介紹兩個areas都由日本福岡師傅主理！我今次lunch去食Omakase，$600有3款前菜、11貫壽司、手卷、湯及甜品，餐廳新開張做緊同行朋友半價優惠，變相每人只係$510，超抵食！開始料理之前，師傅先奉上是日Omakase嘅手寫menu，呢個細節位好加分，令我諗起日本食嘅會席料理，手寫餐牌充滿溫度！鱈魚白子第一道前菜有日本人嘅冬日之寶－－鱈魚白子！白子緊緻爽滑，簡單配搭酸汁及蘿蔔蓉，唔需要花巧，最凸顯到白子嘅原味！北海道活帆立貝活帆立貝非常厚身，師傅用清新嘅青檸汁及柚子皮帶出帆立貝嘅甜味，再灑上少許竹碳鹽提升鮮味。因為食材本身非常新鮮，所以無太多嘅調味已經好好食！半天然深海池魚深海池魚油份豐腴，口感肥美，配山椒葉令味蕾增添刺激感。地金目鯛呢個巧妙地加上烏
我今次lunch去食Omakase，$600有3款前菜、11貫壽司、手卷、湯及甜品，餐廳新開張做緊同行朋友半價優惠，變相每人只係$510，超抵食！
開始料理之前，師傅先奉上是日Omakase嘅手寫menu，呢個細節位好加分，令我諗起日本食嘅會席料理，手寫餐牌充滿溫度！
鱈魚白子
第一道前菜有日本人嘅冬日之寶－－鱈魚白子！白子緊緻爽滑，簡單配搭酸汁及蘿蔔蓉，唔需要花巧，最凸顯到白子嘅原味！
北海道活帆立貝
活帆立貝非常厚身，師傅用清新嘅青檸汁及柚子皮帶出帆立貝嘅甜味，再灑上少許竹碳鹽提升鮮味。因為食材本身非常新鮮，所以無太多嘅調味已經好好食！
半天然深海池魚
深海池魚油份豐腴，口感肥美，配山椒葉令味蕾增添刺激感。
地金目鯛
呢個巧妙地加上烏魚子，除咗增添爽脆嘅口感，烏魚子嘅鹹鮮亦同魚味清雅嘅金目鯛好夾！
赤鯥
赤鯥魚亦係唔少Omakase嘅常客。師傅稍微炙燒魚皮，令油脂釋出！
慈菇煎餅
乍看以為係薯片，原來係將慈菇片攞去油炸。由於新鮮炸起，所以口感好香脆。另外仲有兩條炸蕎麥麵作裝飾。
京都手釣池魚
池魚肉質厚嫩，魚味濃郁，配搭薑蔥蓉減低腥味。係其中一件我至愛嘅壽司！
真鯖
用上江户前傳統做法，放上酸甜嘅昆布漬，更加食到真鯖本身嘅魚味！
牡丹蝦
前一件壽司用上江戶前做法，呢一件牡丹蝦壽司就大玩fusion！師傅以前喺法日餐廳工作過，用中國蝦子麵及法國龍蝦湯作靈感，將蝦殻及蝦膏焗數小時，再磨粉隔篩，製成充滿鮮味嘅『蝦子』。香脆濃鮮嘅蝦子與柔軟鮮美嘅牡丹蝦一齊放落口，口感豐富之餘，仲好似將所有蝦嘅精華通通放落口，毫不浪費呢！
吞拿魚赤身
漂亮嘅深紅色，入口新鮮柔軟，簡單用醬油更加托出赤身濃重嘅魚味！
蕪素瀧煮
即係北海道豚肉煮白蘿蔔。白蘿蔔通常都係配菜，但圓碌碌嘅『蕪菁』水分較少，煮熟後肉質變得鬆軟，反而係呢道前菜嘅主角！北海道豚肉碎做成嘅獻汁肉味香濃，蕪菁鮮甜入味，呢道菜好有鄉土料理嘅感覺！
大拖羅
潮流興熟成，今次omakase都加入熟成元素。熟成後嘅大拖羅，筋位變得柔軟，魚味亦更加突出！
北海道馬糞海膽
海膽完整飽滿，色澤金黃，由於海膽用料高質，入口鮮甜，所以師傅冇畫蛇添足去添加任何醬油，反而用淡雪鹽及紫蘇葉花去襯托，除咗令賣相更精緻之外，比一般鹽較淡口嘅淡雪鹽仲有提鮮嘅效果！
海鰻
呢件壽司嘅靈魂絕對係自家製醬汁，師傅話用咗海鰻嘅魚骨烹煮超過12小時而成，用時間去令醬汁變得濃稠，每個步驟都好花心思呢！醬汁香甜惹味，帶點焦香，同現成醬汁確係分別好大！
蔥吞拿魚蓉手卷
吞拿魚蓉下得慷慨。
蝦麵豉湯
麵豉湯多咗蝦鮮，味道唔錯！
一瀧布丁
布丁用蛋造型玻璃器皿盛載，非常精緻可愛。布丁反而去到最後有少少失色，如果蛋香突出d，口感再滑溜一D就好啦！
食Omakase我最看重兩方面，一係食物要新鮮，二係師傅與客人嘅互動性。一瀧食材高質之餘，服務都非常殷勤！是日招待我哋嘅師傅雖然唔係日本總廚，但一樣非常有實力。每道菜佢都詳盡講解，令我對唔同嘅日本食材都加深認識及了解！我最欣賞佢有主動了解我哋對舍利嘅口味，然後再作出調整。當日11貫壽司，有D用上江戶前做法，有D就加入fusion元素，令我可以一次過試到唔同風格！
Post
