Video
Read full review
2021-05-10
1879 views
灣仔大有廣場附近最近新開咗一間好有話題性嘅cafe NATURA:，空間感強烈嘅cafe以花藝🌳🌸為主題，店入面唔同角落都放滿咗唔同嘅花花擺設，以粉紅色為主調，pink得嚟又好自然唔會覺得突兀，成個感覺好自然🍃門口位置仲有啲盆景同花可以買走，啱晒附近嘅OL同女仔嚟打卡，不過weekday lunch time就比較多人需要排一段時間先入得。呢度嘅水同餐具要自己拎，亦要自己出去叫嘢食，感覺上比較self-serviced，所以有加一服務費就覺得貴咗啲💲Create Your Own Set呢度lunch time主要供應日式料理set，有啲似muji個種感覺，一個木盤上面有湯、2款前菜、主菜同飯／麵，可以自由選擇，另外仲有幾款set好咗嘅配搭。除咗set之外，咖啡／其他飲品同甜品都係另外叫，想食個下午茶打下卡都ok。Soup - 忌廉南瓜湯好creamy但唔會好重cream味，反而突出南瓜本身天然甜味，都唔錯。Carbs Selection - 十穀米Carbs可以揀十穀米／蕎麥麵／蒟蒻麵，上網見人話蕎麥麵伏，所以都係揀返唔會伏得去邊嘅十穀米，有好多野米／黑米等令到個飯比一般白飯香口好多
Create Your Own Set
呢度lunch time主要供應日式料理set，有啲似muji個種感覺，一個木盤上面有湯、2款前菜、主菜同飯／麵，可以自由選擇，另外仲有幾款set好咗嘅配搭。除咗set之外，咖啡／其他飲品同甜品都係另外叫，想食個下午茶打下卡都ok。
Soup - 忌廉南瓜湯
好creamy但唔會好重cream味，反而突出南瓜本身天然甜味，都唔錯。
Carbs Selection - 十穀米
Carbs可以揀十穀米／蕎麥麵／蒟蒻麵，上網見人話蕎麥麵伏，所以都係揀返唔會伏得去邊嘅十穀米，有好多野米／黑米等令到個飯比一般白飯香口好多。
Appetizers Selection - 意大利青瓜茄子蛋餅、牛油果沙律
前菜可以係4款入面揀2款，牛油果沙律比較細份，味道偏酸咗啲，其實唔駛咁酸已經開胃㗎啦😂蛋餅入面夾雜咗啲蔬菜類，暖暖地，都係正常發揮啦。
Main Course - 泡菜炒豬腩肉、香草普羅旺斯烤格陵蘭比目魚、日本新潟若雞伴蜜糖芥末
主菜係4款入面揀1款，泡菜豬腩肉份量頗多，有大大件豬腩肉，調味偏淡，辣度冇乜，豬腩肉有啲偏乾🙈比目魚細細件，不過係3款入面最好食😋😋魚肉非常嫩滑，一夾幾乎即散，魚皮煎得香脆，調味似西京燒有少許甜甜地嘅味不過唔重，突出魚鮮味🤩雞就正正常常係muji會食到嘅感覺，醬汁少許酸酸地反而似柚子多過蜜糖芥末lol
人均消費：$160
推介指數（10分為滿分）：7分
I
Post
