Video
Read full review
2021-11-05
238 views
平時想食韓國嘢都會喺尖沙咀韓國街， 但人流很多 而且經常要排隊， 上網搵到一間新開韓國餐廳， 可以網上訂座， 所以決定去食。餐廳位於厚福街的樓上舖，走居酒屋路線，除了炸雞和其他韓式地道菜式，有不少酒類和佐酒小食，定價唔算高，相當吸引。一入到餐廳，就好似走入韓式庭院，座位寬敞，每枱私隱度高，很多闊身卡位，深色木系設計，有個酒吧小角落，整個環境舒服又有高級氣氛。 餐廳服務員都是韓國人，親切有禮，可以寫下餐牌號碼或用英文下單。 最後叫有幾款串燒和2款主食，兩個人埋單$4xx，以環境和食物質素都值得再來。 =海鮮炸醬麵 ($148)=炸醬醬汁濃郁，調味剛好，唔會只有鹹味。配料多，幾乎每口都有魷魚粒或洋蔥，惹味可口。用鐵板盛載可以保溫，賣相吸引，份量多，麵身彈牙唔會淋。=炸雞沙律(韓式調味) ($158)=炸雞共8件，分別是雞中翼和雞搥，炸得外皮香脆，就算放涼一陣仲係超脆，雞肉的肉質滑嫩厚肉。韓式醬汁甜身微辣，配合炸雞口感Juicy滿足。另外有大量薯條，同樣是即炸感覺，入口香脆。 =羊肉串 ($38)=羊肉厚身又有咬口，食落唔會鞋，羶味唔重，配合另上的辣粉更加惹味。 =五花肉串 ($38)=韓國
餐廳位於厚福街的樓上舖，走居酒屋路線，除了炸雞和其他韓式地道菜式，有不少酒類和佐酒小食，定價唔算高，相當吸引。
一入到餐廳，就好似走入韓式庭院，座位寬敞，每枱私隱度高，很多闊身卡位，深色木系設計，有個酒吧小角落，整個環境舒服又有高級氣氛。
餐廳服務員都是韓國人，親切有禮，可以寫下餐牌號碼或用英文下單。 最後叫有幾款串燒和2款主食，兩個人埋單$4xx，以環境和食物質素都值得再來。
=海鮮炸醬麵 ($148)=
炸醬醬汁濃郁，調味剛好，唔會只有鹹味。配料多，幾乎每口都有魷魚粒或洋蔥，惹味可口。用鐵板盛載可以保溫，賣相吸引，份量多，麵身彈牙唔會淋。
=炸雞沙律(韓式調味) ($158)=
炸雞共8件，分別是雞中翼和雞搥，炸得外皮香脆，就算放涼一陣仲係超脆，雞肉的肉質滑嫩厚肉。韓式醬汁甜身微辣，配合炸雞口感Juicy滿足。另外有大量薯條，同樣是即炸感覺，入口香脆。
=羊肉串 ($38)=
羊肉厚身又有咬口，食落唔會鞋，羶味唔重，配合另上的辣粉更加惹味。
=五花肉串 ($38)=
韓國人最愛的五花肉當然要食，烤得香口脆邊，又唔會油膩，肥瘦均勻，值得再試。
=魷魚串 ($28)=
好多韓式鍋物煎餅等都用上魷魚，今次做串燒比較少見，魷魚肥美厚肉，食落彈牙煙韌，同樣烤得香口惹味，相信是不錯的佐酒小吃。
Post
