Video
Read full review
2021-09-04
129 views
今日我哋一行八人慶祝朋友生日,預訂時因應餐廳要求八人枱需要落訂。落訂後餐廳並沒有confirm Booking，穩陣起見朋友親臨餐廳詢問櫃檯想確認Booking，餐廳經理不耐煩咁敷衍一句唔記得咗打電話confirm你。淨係處理Booking呢樣野都睇得出餐廳對客人究竟有幾誠懇同尊重。到達餐廳時，我一手捧住蛋糕一手拿着禮物，餐廳侍應見狀並沒有立刻開門，需要我示意可否幫忙開門才施施然走向門口位置。其實呢啲係迎接客人嘅最基本禮貌，所以並不是我們要求過高，從未到過一間餐廳(快餐店，食堂，茶餐廳除外)見到客人行入門口都唔識得主動開門。食物質素一般，算不上好食，食物溫度普遍只是和暖，所以一上桌就好快凍哂。普通樓上Cafe質素(甚或有啲coffee shop的食物更為出色)。餐廳打正旗號是美式意大利菜，但一點都煮不出其精髓。在香港好吃的或稱得上有質素的美式意大利菜就只有Carbone, cipriani, Fini’s, Frank’s。除了食物質素之外最大問題就係服務態度。開得餐廳就應該要以客為本，要留得住客人除咗餐廳出品，服務同樣重要。不奢望餐廳會給予客人賓至如歸的感覺，但最少起碼要令客人覺得
落訂後餐廳並沒有confirm Booking，穩陣起見朋友親臨餐廳詢問櫃檯想確認Booking，餐廳經理不耐煩咁敷衍一句唔記得咗打電話confirm你。淨係處理Booking呢樣野都睇得出餐廳對客人究竟有幾誠懇同尊重。
到達餐廳時，我一手捧住蛋糕一手拿着禮物，餐廳侍應見狀並沒有立刻開門，需要我示意可否幫忙開門才施施然走向門口位置。其實呢啲係迎接客人嘅最基本禮貌，所以並不是我們要求過高，從未到過一間餐廳(快餐店，食堂，茶餐廳除外)見到客人行入門口都唔識得主動開門。
食物質素一般，算不上好食，食物溫度普遍只是和暖，所以一上桌就好快凍哂。
普通樓上Cafe質素(甚或有啲coffee shop的食物更為出色)。餐廳打正旗號是美式意大利菜，但一點都煮不出其精髓。在香港好吃的或稱得上有質素的美式意大利菜就只有Carbone, cipriani, Fini’s, Frank’s。
除了食物質素之外最大問題就係服務態度。開得餐廳就應該要以客為本，要留得住客人除咗餐廳出品，服務同樣重要。不奢望餐廳會給予客人賓至如歸的感覺，但最少起碼要令客人覺得尊重同welcome。
我明白餐廳剛開業不久，所以團隊還未有熟悉落單，上菜等程序，這都是可以理解的。
但餐廳對待客人的態度說得上係趕客。
由我到達餐廳，服務生見到客人滿手東西都唔識得為客人開門;
再到帶位嘅侍應叫我先站在靠近門口位置等一等好讓他安排座位。結果係侍應先拿走我帶來的蛋糕，然後自己行到安排俾我哋嘅座位，再遠遠咁做手勢示意我先量度體溫及掃安心出行，一路揮手示意我行過去。咁樣安排客人入座真係非常不專業。
我們8:15pm入座，食到9:30 pm仲有幾個主菜未上，侍應此時就話俾我哋聽就來Last order, 一併遞上Menu叫我哋睇吓有冇需要在加單。朋友提示侍應我哋仲有幾個主菜未到，侍應完全忽視朋友嘅提示,並不禮貌聲地同我朋友講 “ I’m telling you now this is our last order” 。朋友只是好心並且好奇咁問，因為仲有幾樣主菜都未上，但你就問我哋使唔使再加單。
到咗9:50pm, 當主菜啱啱上咗10分鐘唔夠,
其中一個侍應過嚟同我哋講” We need to send all the desserts and your cake now because we are closing at 10”
你收10點,會唔會係9:50先同個客人講唔得啦我一定要上晒你啲甜品啦,仲有你個蛋糕。到咗9:55 pm 一次過擺晒我哋要嘅六件甜品喺枱嘅中間( 我哋坐嘅係八人嘅長枱)完全係求其擺上台咁,完全冇上菜嘅服務可言.
到咗10:02pm 都仲未上蛋糕，需要我提示餐廳取消切蛋糕，因為我哋根本唔會有時間食。餐廳根本唔應該9:30 先last order, 9pm 就已經需要截單。 時間控制得非常差。
餐廳服務大概在九點已經到達一個準備收工嘅狀態，refill 嘅嗰位侍應浸水斟到好似淋花咁(一啲都唔誇張), 一路浸一路滴到周圍都係,仲要滴落埋落份甜品度.
好耐都冇試過食飯食到一肚氣,所以奉勸各位唔好純晒網上打手嘅假食評.多啲聽下身邊朋友嘅真實comments.
Post