柴石燒 (Closed)

有時候唔知食咩好，行一轉foodcourt就諗到。平時去將軍澳行街，想食簡單啲又唔想去大集團連鎖店嘅話，可以考慮去日日食美食廣場行個圈，咩類型嘅菜式都有，總有一間啱你胃口。我當時第一時間就行去「柴石燒」店舖前面，諗住試下熱石燒肉，點知見到其他客人隻滑蛋咁靚，我又改變心意叫左個「日式滑蛋豚肉飯」，個餐個跟一個細沙律同麵豉湯，盛惠$68。如圖所見個飯有超多滑蛋，仲帶有少少蛋汁唔會過熟，滑蛋之上放左啲柴魚片作為點綴，然後有少少雜菇非常香口，回想起呢一碗豚肉飯，有咁多配料不特止，豚肉都有四至五塊！所以我係極之推薦而且真係非常抵食。（唯一要彈嘅係麵豉湯有啲鹹）