Video
Read full review
2023-04-14
352 views
今日閒日飯點依然有人等位，等左半個鐘就有位，其實都ok。不過兩點過後就通常唔洗等位，建議兩三點黎會好d。我點左份煙三文魚和車里茄水牛芝士雙拼吐司，賣相幾好，味道都幾好。三文魚係普通超市嘅煙三文魚，咁水牛芝士都係冇咩特別，個包皮好薄，呢個吐司似前菜多d，大食仔一定唔夠食。不過，講真，呢個吐司完全可以自己復刻到，冇咩特別。之後點左份香蒜橄欖油虎蝦意粉。有三隻蝦，都幾大隻，當然啦，係急凍蝦，冇咩蝦味肉又韌果種。整體賣相不錯，蝦腸仍在，要自己挑出黎，喜歡蝦腸嘅朋友應該中意。味道還可以，比阿媽整嘅意粉更加淡，口味清淡嘅我接受到，只係食完好似冇咩存在感。甜品要左份樹頭蛋糕，外面係朱古力，入面係麻薯同蛋糕，可能呢排流行麻薯，所以咁樣整，我自己就覺得不倫不類，不過味道都可以嘅，未試過嘅朋友可以試試。飲品要左杯冷萃咖啡，係難飲嘅，又酸又嗆喉又澀，集所有咖啡唔好飲嘅元素於一身，不過佢咖啡唔係賣點，可能唔係好講究，如果想飲咖啡的話，飲加奶嘅咖啡應該會好d。餐廳環境乾淨舒服，裝修好靚好特別，有棵樹起中間真係夠曬有gimmick，不過為了擺棵樹而客人要塞埋一邊坐究竟值不值就見仁見智喇。最後，服務係冇咩。倒水攞餐
我點左份煙三文魚和車里茄水牛芝士雙拼吐司，賣相幾好，味道都幾好。三文魚係普通超市嘅煙三文魚，咁水牛芝士都係冇咩特別，個包皮好薄，呢個吐司似前菜多d，大食仔一定唔夠食。不過，講真，呢個吐司完全可以自己復刻到，冇咩特別。
之後點左份香蒜橄欖油虎蝦意粉。有三隻蝦，都幾大隻，當然啦，係急凍蝦，冇咩蝦味肉又韌果種。整體賣相不錯，蝦腸仍在，要自己挑出黎，喜歡蝦腸嘅朋友應該中意。味道還可以，比阿媽整嘅意粉更加淡，口味清淡嘅我接受到，只係食完好似冇咩存在感。
甜品要左份樹頭蛋糕，外面係朱古力，入面係麻薯同蛋糕，可能呢排流行麻薯，所以咁樣整，我自己就覺得不倫不類，不過味道都可以嘅，未試過嘅朋友可以試試。
飲品要左杯冷萃咖啡，係難飲嘅，又酸又嗆喉又澀，集所有咖啡唔好飲嘅元素於一身，不過佢咖啡唔係賣點，可能唔係好講究，如果想飲咖啡的話，飲加奶嘅咖啡應該會好d。
餐廳環境乾淨舒服，裝修好靚好特別，有棵樹起中間真係夠曬有gimmick，不過為了擺棵樹而客人要塞埋一邊坐究竟值不值就見仁見智喇。
最後，服務係冇咩。倒水攞餐具全部自助，俾錢點餐都係自己出去，唯一服務就係送餐同埋幫你刷visa收錢。份吐司叫佢切一半個姐姐都西面， 不過佢都好好心咁起廚房拎左隻刀俾我自己切，我問佢攞多把刀，佢會好親切咁話「 有咩需要可以自己出去攞嘅。 」都係嘅，10%服務費唔通可以幫客人切開個包一半咩? 唔通客人有手有腳种要幫佢拎餐具咩?
總的來說，如果唔係柳柳粉，可以唔黎，fan屎嘅話就當打卡自己開心就好，野食唔難食，但係一定唔係好食。完。
香蒜橄欖油虎蝦意粉
16 views
0 likes
0 comments
虎蝦腸
12 views
0 likes
0 comments
樹皮蛋糕
26 views
0 likes
0 comments
冷萃咖啡
9 views
0 likes
0 comments
雙拼吐司
13 views
0 likes
0 comments
Post
