美心.翠園 (Closed)

出發前做的一個錯誤決定, 隨時會對旅途上的情緒影響很大...以前呢個舖位係美心閣, 價錢實惠得多, 服務又到位, 味道亦中規中矩...現在... 嘿... 中晒伏!!! 奉勸大家勿以身試菜!!!見到對面新開的太平山餐廳 (The Peak Lookout), 好後悔唔慢慢揀餐廳...柚皮蒸鳳爪 $30-- 難吃!!! 完全唔腍, 味道又怪, 有點倒胃口...蜜汁叉燒腸粉 $38-- 回憶中, 以前腸粉唔錯, 現在似吃糊... 同樣的餐具, 腸粉變矮了...椒鹽脆豆腐 $48-- 強中自有強中手, 難吃自有更難吃!!! 濕淋淋的皮, 與脆豆腐簡直南轅北轍... 椒鹽味欠奉, 冰冰涼涼的, 真係食一粒已經想吐...古法炒牛河 $98-- 一不離二, 二不離三, 難吃係會傳染的!!! 鬆泡牛肉炒粉糊, 古法無味打獻醬汁, OMG, 唔食得唔得呀?!! 全餐最好吃已是伴碟果3條白水烚菜心...服務員接近無服務...見到其他客人都係食剩9成速速埋單...明明翠園係美心集團嘅定位係高檔次, 點解會仲難食過美心閣?!!好明顯, 無下次!!!