薩莉亞意式餐廳 (鳳德商場)

Open Now

Now Closed

屋企樓下啱啱開咗薩莉亞，梗係要趁乾淨嘅時候食返次🤣蒜茸田螺煮得剛剛好，蒜香豐富，而肉醬溫泉蛋多利亞味道濃郁，肉醬同溫泉蛋完美結合。炸蝦同雞翼香脆，全部都做到水準以上！不過，番茄菜湯就一般，而墨魚汁risotto味道比較淡，質地有啲稀。但係當我睇到risotto嘅價錢，就覺得都係算啦，因為只係30幾蚊咋，份量都幾足。而家嚟講下朱古力松露雪糕！其實係* 無松露 *，只係個外形似松露 ，其實只係普通朱古力雪糕包住雲呢拿雪糕，冇乜特別可以唔使嗌🤣總括嚟講，如果你想食啲平價又好味嘅西餐，又想搵個舒適嘅地方同另一半或朋友聚一聚，咁就嚟薩莉亞意式餐廳試下啦！我會俾4/5分，值得一試！👏