Video
Read full review
2022-12-15
49 views
趁weekend放假想搵個地方嘆番個Brunch😆 突然間諗起呢間bookmark 咗好耐嘅cafe就去啦。Cafe地點非常接近地鐵站，由香港大學站行去幾分鐘就到。店鋪門口有張藤製搖凳，冇人坐嘅話可以打吓卡先入去😆如果有帶寵物嘅話坐室外座位就啱晒。呢間無論環境及食物都充滿東南亞風。Cafe裡面好多植物加上多個藤椅坐位，感覺令人真係好舒服㗎，睇嚟我今次冇揀錯地方喎😝😝食物選擇方面同其他cafe唔同，除咗比較常見嘅三文治、沙津、全日早餐外，我發覺意粉類帶有東南亞元素，兩款菜式「泰式辣肉碎炒螺絲粉配太陽蛋」及「娘惹喇沙老虎蝦扁意粉」都係典型東南亞菜式，鍾意食辣嘅話可以考慮吓。▫️南瓜忌廉汁扁意粉配大啡菇(HKD108) - 全素意粉，南瓜忌廉汁夠潤滑，每條扁意粉都掛滿熱辣辣嘅醬汁，咁啱呢幾日天氣變涼真係好暖胃呢。▫️藍莓香蕉燕麥乳酪 (HKD68) - 顏色好鮮豔尤其係粉藍色嘅乳酪😍必定係相機食先啦。▫️Nutella榛子醬牛角包窩夫配榛子雪糕 (HKD78) - 呢度嘅甜品選擇非常吸引🤩🤩麻糬窩夫….奶茶奶凍….牛角包窩夫…樣樣都想試呀。因為我都幾鍾意食Nutella 榛子醬先揀咗呢款個甜品😌
呢間無論環境及食物都充滿東南亞風。Cafe裡面好多植物加上多個藤椅坐位，感覺令人真係好舒服㗎，睇嚟我今次冇揀錯地方喎😝😝
食物選擇方面同其他cafe唔同，除咗比較常見嘅三文治、沙津、全日早餐外，我發覺意粉類帶有東南亞元素，兩款菜式「泰式辣肉碎炒螺絲粉配太陽蛋」及「娘惹喇沙老虎蝦扁意粉」都係典型東南亞菜式，鍾意食辣嘅話可以考慮吓。
▫️南瓜忌廉汁扁意粉配大啡菇(HKD108) - 全素意粉，南瓜忌廉汁夠潤滑，每條扁意粉都掛滿熱辣辣嘅醬汁，咁啱呢幾日天氣變涼真係好暖胃呢。
▫️藍莓香蕉燕麥乳酪 (HKD68) - 顏色好鮮豔尤其係粉藍色嘅乳酪😍必定係相機食先啦。
▫️Nutella榛子醬牛角包窩夫配榛子雪糕 (HKD78) - 呢度嘅甜品選擇非常吸引🤩🤩麻糬窩夫….奶茶奶凍….牛角包窩夫…樣樣都想試呀。因為我都幾鍾意食Nutella 榛子醬先揀咗呢款個甜品😌 牛角包窩夫新鮮即製，朱古力味夠濃郁。
▫️75%朱古力咖啡 (HKD52) - 白色泡沫襯托用朱古力醬製成嘅拉花，賣相好精緻。咖啡入口香醇濃郁，口感豐富。
▫️檸檬氣泡咖啡 (HKD58) - 汽水+咖啡嘅飲品，加咗檸檬入飲品裡面，感覺清新。
Post
