德克士

Open Now

Now Closed

我向來對餐廳嘅口味有極大包容，差評全部都係因為惡劣服務態度。 但依間鋪頭唔同，佢真令我失望到極點！小弟在祖國嘅時候係有食過德克士嘅，味道在一众快餐中可以話係中上乘，今晚10點幾飢腸轆轆，一睇周遭opening嘅鋪頭少之又少，於是決定試下依間新開快餐德克士（聽講全港第一家）點咗佢地嘅招牌手槍髀同埋雞肉捲 雞肉捲無功無過 薯條粗過M記 我係食完雞肉卷先食手槍髀嘅。至此一切正常並無發現乜問題但當我期待萬分嘅抓起個招牌手槍髀 佢真係令我心臟驟停 核突到爆（已經唔只難食咁簡單）食一啖口中爆開超級濃烈嘅腥味 ，之後每一口都有腥味，為著自己人身安危，當即決定扔咗佢。我唔理解何以炸雞髀做咁腥臭嘅程度？你啲日日開鋪前唔管理下後廚？係咪阿貓阿狗都可以落黎香港開餐廳搵錢？作為一間在祖國連鎖的快餐店，咁炸裂出品實在令人費解，望大家幫襯佢地之前三思。