火鍋撚 (染布房街) (Closed)

同朋友去食高質火鍋，估唔到晚上9:30都幾多人。建議要提前book 枱。今次我哋湯底簡左蜂巢豆腐白鍋湯，首先湯底相當濃郁，入面好足料有大量豆腐，入邊仲放咗八角做調味令到成個湯好入味。湯底香味四溢。頂級梅花豬肉，極品黑豚肉。呢兩隻肉材料非常之新鮮， 油脂分布平均。呢個火鍋湯底配肉類一啲都唔油膩。蜂巢豆腐吸收左啲肉嘅精華好滋味。其他火鍋配料份量都好足，擺盤又用心。新鮮無雪藏味。竹蔗茅根紅蘿蔔馬蹄水呢個馬蹄水好少見地入邊竟然有原條嘅紅蘿蔔，味道好清甜，值得一讚。餐後仲有送腐竹糖水沙冰，非常冰涼，又解膩，同朋友都好欣賞呢個糖水。相信令人滿足既晚餐。