相馬日式火鍋 (Closed)

今日嘅晚餐就豐富啦，去咗火炭呢間相馬日式火鍋店，我哋就揀咗呢一個火鍋放題多部曲✨✨首先✨就要先食雞煲，雞煲啲雞好滑又大件！跟住✨就要飲完花膠雞湯，個雞湯真係好濃郁，好清甜！然後✨就可以食海鮮蒸鍋，入面啲海鮮全部都好豐富！包括日本帶子，廣島蠔，青口，蟹棒，蜆，海蝦都有齊👍🏻最後✨就係任食火鍋，想食咩就叫咩，無論係丸類、牛肉定係各款唔同嘅配菜都有齊，真係食到好飽，好滿足！另外✨唔可以錯過佢哋即叫即做雞翼炸物，我好鍾意食佢嘅炸雞翼，有好多唔同嘅味粉，每次去我都要食十幾隻先肯停😂特別一提✨佢哋有無限飲品供應嫁✨打邊爐可以飲下茶消滯👍🏻