金船長餐廳 (Closed)

餐廳位置係大角咀，地理位置唔算方便，不過都近奧海城，食完飯可以去行下睇場戲。餐廳燈光比較暗，都幾有氣氛，唔駛等位，坐得舒服。整體嚟講中上，價錢同食物質素成正比，睇得出廚師好有心機，會再嚟食呀！香煎法國鵝肝蘋果沙律$138鵝肝煎得幾靚襯底有塊小多士，可減少油膩感。蘋果沙律蘋果切丁用糖煮過，口感幾特别幾討好，沙律如果有黑醋提供就更理想👍🏻👍🏻炸軟殼蟹南瓜意大利飯 $148意大利飯最怕食到好似BB粥仔咁，依間做得幾好，飯綿香軟，咀嚼片刻，有意大利飯應有的煙韌口感。南瓜湯汁充滿每粒飯，軟殼蟹炸得夠乾身炸粉漿不厚，唔會食到成口油。👍🏻👍🏻黑松露菌醬意式馬斯卡普芝士夾心pizza $108批未到先聞到陣陣濃郁芝士香味，看賣相亦有特色比較有別一般Pizza ，上下批身內有黑松露餡料。有提子汁醬點蘸，可以提升味道層次。批芝香鬆脆。👍🏻👍🏻👍🏻美國特級肉眼牛扒 $298Order左五成熟跟紅酒汁，肉眼扒到枱足有12oz,但看扒身位置屬比較多根位，肉身亦比Order的5成有overcook,但尚算有保留到肉汁，味道亦中規中矩，跟配菜的薯蓉亦有驚喜👍🏻宇治抹茶紅豆奶昔 $32賣相不錯，抹茶不濃 普通水準。🍽