Video
Read full review
2018-01-18
370 views
寶琳近來進駐咗好多新開既食肆，不過唔少都係連鎖店，難得有間泰菜開張，所以每日經過都見有好多人排隊。雖然係下午茶時間，但門口都係多人到好似午市咁，我地等左大約20分鐘先有位。下午茶既menu款式比較多，但份量就比較少，有多士﹑細既湯河或炒粉麵飯咁，由三十幾到四十幾不等，而午餐menu就正常份量，再加一個小食同湯。我地叫左一個海南雞飯，一個黃咖哩燒豬頸肉配蒜蓉包，由於馬拉盞炒通菜賣曬，我地揀左青木瓜柚子沙律做小食，湯就揀左比較少見既椰子雞湯。椰子雞湯一放上檯就噴到好大陣椰子味，呈奶白色，但飲落香茅味重過椰子味，而且酸酸地，似白色既冬蔭功湯，不過唔辣，同想像中非常唔同。可以話係小朋友version既冬蔭功湯咁。而飲品加六蚊就可以轉特飲，我就叫左珍多冰，椰汁好夠好濃，唔似出面咁溝好多水，不過就太甜了，我另外問店員拎左杯水加落去，下次我會叫小甜。杯底既珍多都幾有口感，但都係同一個問題，太甜。店家真係落得太重手了。主角之一既海南雞飯就附上一碟醬汁，睇落係自己調配而唔係現成既汁，因為醬入面都幾多香料，亦有新鮮既辣椒同香茅。雞亦切到無骨，都幾滑溜，就算雞胸都唔會鞋口。但飯就比較普通，個黃色主要由黃薑粉
雖然係下午茶時間，但門口都係多人到好似午市咁，我地等左大約20分鐘先有位。下午茶既menu款式比較多，但份量就比較少，有多士﹑細既湯河或炒粉麵飯咁，由三十幾到四十幾不等，而午餐menu就正常份量，再加一個小食同湯。我地叫左一個海南雞飯，一個黃咖哩燒豬頸肉配蒜蓉包，由於馬拉盞炒通菜賣曬，我地揀左青木瓜柚子沙律做小食，湯就揀左比較少見既椰子雞湯。
椰子雞湯
20 views
0 likes
0 comments
椰子雞湯一放上檯就噴到好大陣椰子味，呈奶白色，但飲落香茅味重過椰子味，而且酸酸地，似白色既冬蔭功湯，不過唔辣，同想像中非常唔同。可以話係小朋友version既冬蔭功湯咁。
珍多冰
15 views
0 likes
0 comments
而飲品加六蚊就可以轉特飲，我就叫左珍多冰，椰汁好夠好濃，唔似出面咁溝好多水，不過就太甜了，我另外問店員拎左杯水加落去，下次我會叫小甜。杯底既珍多都幾有口感，但都係同一個問題，太甜。店家真係落得太重手了。
海南雞飯
26 views
0 likes
0 comments
主角之一既海南雞飯就附上一碟醬汁，睇落係自己調配而唔係現成既汁，因為醬入面都幾多香料，亦有新鮮既辣椒同香茅。雞亦切到無骨，都幾滑溜，就算雞胸都唔會鞋口。但飯就比較普通，個黃色主要由黃薑粉吊出來，食唔到雞油味，但一個正宗既海南雞飯，油飯係靈魂人物，冇雞油既飯點叫油飯？而且飯身比較濕，比較失望。
黃咖哩豬頸肉配蒜蓉包
23 views
0 likes
0 comments
黃咖哩燒豬頸肉配蒜蓉包，黃咖哩都幾大兜，入面仲有兩件薯仔，咖哩汁都幾濃稠，絕對冇因為食耐左而變稀，但可惜唔辣，係偏香港人口味，椰香味都重，夾埋蒜蓉包食都幾好。最驚喜既反而係豬頸肉，食落表面有炭燒味又有肉汁，同埋夠juicy，不過就比較肥。蒜蓉包就牛油味比較重，重口味人士會幾鐘意。
青木瓜柚子沙律
31 views
0 likes
0 comments
至於青木瓜柚子沙律反而有驚喜，青木瓜絲同柚都夠凍，柚子冇酸澀味，仲幾fresh幾清甜，而且加埋蝦米碎同花生碎，咸咸香香，非常香口。個沙律汁就魚露味比較重，可以再酸甜ｄ。
埋單兩個人$92，算ok啦。
PS, 不過場內人手不足，食物都等左好一陣子，而且侍應態度有待改善，如果趕時間既朋友就比較麻煩了。
Post
