火土燒肉

今日終於book到另一間超人氣餐廳。就係同營足四季一樣以露營為主題嘅火土燒肉。位於K11嘅火土燒肉店佈置好有特色，完全係參照露營嘅用品同枱凳而設計，好有風格。所有餐具都係露營用品，絕對是打卡餐廳😆今次我哋叫咗全牛特選拼盤（包括牛肋肉、牛舌、牛胸腹、牛三筋、雪花牛小排）肉嘅質素唔算非常差，但如果去其他燒肉店的話，呢個價錢可能已經可以食和牛，所以我嘅評語係普普通通啦。派對海鮮塔 (冷盤)(包括波士頓龍蝦、熟蝦、青口、蜆、翡翠螺)海鮮都幾新鮮,賣相嘅都幾精緻，鍾意海鮮嘅，我都覺得幾好嘅。玉子海苔飯 我覺得牛角嘅紫菜飯好食好多，因為呢間嘅飯真係比較硬。銅鑼燒 每邊燒30秒，香脆好味。其實我覺得呢間真係一間環境幾好的打卡餐廳，如果一班人有聚會開派對都幾好嘅，不過真係有點貴同侍應有少少催促你走的感覺。