初芋 (Closed)

都唔知點解到九月都仲係咁熱☀️ 係旺角行到成身汗，見到一間台式甜品店簡直好似見到海市蜃樓咁😍 餐廳都坐得幾爆下，睇黎大家都好需要一啲透心涼嘅甜品🍧𝗕𝘂𝗯𝘂推介🔥👍 重量級冰極芋圓鍋無論係賣相定係份量都係重量級嘅甜品，見到好多台都有叫。大大一盤，上枱時配上乾冰，煙霧彌漫好夢幻。除咗餐廳招牌芋圓，仲有成十種配料，再配上自選糖水底。糖水底我揀咗椰汁初芋露，唔太甜又充滿芋頭香，就算就咁食都好好食。餐廳招牌芋圓唔使講，煙靭有咬口。而配料方便我最欣賞芋泥同埋仙草，兩款都係上乘之作。👍 特選台式滷水拼盤-分享大拼盤勁力食穿九宮格！一共九種台灣鹵水小食，有豬耳、花枝丸、枝竹、鴨血、鴨腎、無骨鳳爪、鹵蛋、豆腐、蓮藕。而我最鐘意既係無骨鳳爪，質地爽脆加上充滿鹵水味，一秒清左。👍 奶蓋烏龍茶見到寫住人氣no.1梗係要試下😆 烏龍茶茶味香濃，飲落回甘。配上好重奶味嘅濃厚奶蓋，每一啖都係茶味之中帶奶味，充滿層次感。📍初芋 旺角西洋菜南街2N號新江大樓地舖