安安燒 (染布房街) (Closed)

今日好好彩經過安安燒～唔係好多人我等位～等咗半個鐘頭左右就有位～我哋嗌左燒安格斯牛柳粒，牛脷～安格斯牛柳粒真係好正～超級Juicy～可惜有啲貴$48一串～牛脷係勁厚切～燒得一啲都唔會乾～最好食係佢嗰個三重芝士撈丁～分別有藍芝士，車打芝士，巴馬臣芝士～嘩我真係未試過喺燒烤店食到芝士撈丁係咁好食～我諗我下次再嚟食都係因為個芝士撈丁～我哋仲嗌左個燒墨魚餅～個墨魚餅真係超香嘅墨魚味～10分真材實料～最後叫咗個燒菠蘿～但係對燒菠蘿有少少失望～因為燒菠蘿嘅時間唔夠～所以呢個菠蘿嘅甜味未充分可以帶到出嚟