鮪世市場 (鴻威大廈) (Closed)

行行吓花園街見到有唔少人排緊食壽司，被吸引又排埋一份試下😹我被安排坐喺bar枱，可以見到壽司師傅整嘢食！食物有好多選擇，生蠔控嘅我嗌左果晚最後一隻生蠔，啲調味係有少少辣，大隻多汁，$58一隻！重頭戲係嗌咗個壽司盛同埋刺身盛，係有埋麵豉湯、沙律、蒸蛋，好豐富，各$298又唔係貴，啲刺身好厚好肥美，壽司嘅飯好細舊，刺身方面我最鍾意食牡丹蝦，超大隻，又鮮甜！海膽都好甜，份量又多，帶子好厚肉，鍾意食壽司嘅，一定要嚟呢間試下，食咗之後終於明白點解咁多人排隊😹另外仲單嗌咗三文魚子壽司同埋烏冬，食完超滿足！