倆口小吃 (Closed)

😝 小編依日喺元朗打卡後開始有啲肚餓，記得之前有朋友推介去食倆口小吃，就去試一試佢哋出名嘅刈包。 ［ 亂闖試食 ］🍽 傳統刈包加柚子醬 (五花滷肉、酸菜、花生碎、莞茜及柚子醬) 😋😋😋😋😋刈包食落唔太似喺台灣夜市食到嘅，應該經過改良，適合香港人嘅口味！😚 最明顯唔同嘅係五花滷肉冇喺台灣食到嘅咁肥膩同鹹，微微嘅鹹香，加上柚子醬，口感幾清新，帶點酸甜酸甜嘅味道。莞茜都有唔少，加埋花生碎，食落幾香。包蒸得啱啱好，軟熟又不會過濕。👏🏻 最緊要成個刈包趁熱食，凍咗就冇咁好滋味！下午茶 💵 約港幣$40/人 💁🏻‍♀️ 由於依一間小店有唔少youtubers同藝人介紹過，而且佢哋係即叫即做，所以大家一定要有心理準備排長龍。🙈 店舖開中午12點半，小編下午1點左右到，已經要排到店舖嘅另一邊，最後等咗一個多鐘頭先食到。