Video
Read full review
2021-11-27
95 views
話說之前有日係屯門玩，路過見到有間餐廳人頭湧湧，門口大排長龍！估計係好嘢嚟，所以同男朋友揀咗日平日再入屯門去試一試佢~ 「閨•家」係一間主打零味精住家味道嘅茶餐廳！但裝修一啲都唔茶餐廳，反而好似一間粉紅Cafe！其中最得意嘅莫過於餐廳內嗰面大大面嘅壁畫，係以屯門為取景點，將好多屯門標誌性嘅嘢融為一副畫，好有心思同好有意義！ 🧡香煎蓮藕餅豬扒飯（$50）呢個飯係人氣推介，絕對值得一試！蓮藕餅外面煎得好香，咬落去又好脆，惹味得嚟又食到蓮藕嘅清甜，真係超好食！豬扒腌得好入味，但又可以食到豬嘅香味，真心唔錯！而且味道質素咁好先賣$50，仲要包一碗老火靚湯，性價比無得彈，超正！ 🧡老火湯（跟餐$Free）當日嘅老火靚湯係蟲草花湯，真材實料，落料好足，飲落好清甜，同呀媽煲嘅真係差唔多！ 🧡香茅雞翼紫薯麵（$42）雞翼嫩滑又香口！紫薯麵都幾特別，口感軟滑，味道較淡，配埋個酸菜食就啱啱好！不過個湯底有啲少，多返啲啲會更好！ 🧡奶茶（跟餐+$5）奶茶同一般茶記差唔多，正常發揮！
「閨•家」係一間主打零味精住家味道嘅茶餐廳！但裝修一啲都唔茶餐廳，反而好似一間粉紅Cafe！其中最得意嘅莫過於餐廳內嗰面大大面嘅壁畫，係以屯門為取景點，將好多屯門標誌性嘅嘢融為一副畫，好有心思同好有意義！
🧡香煎蓮藕餅豬扒飯（$50）
呢個飯係人氣推介，絕對值得一試！蓮藕餅外面煎得好香，咬落去又好脆，惹味得嚟又食到蓮藕嘅清甜，真係超好食！豬扒腌得好入味，但又可以食到豬嘅香味，真心唔錯！而且味道質素咁好先賣$50，仲要包一碗老火靚湯，性價比無得彈，超正！
🧡老火湯（跟餐$Free）
當日嘅老火靚湯係蟲草花湯，真材實料，落料好足，飲落好清甜，同呀媽煲嘅真係差唔多！
🧡香茅雞翼紫薯麵（$42）
雞翼嫩滑又香口！紫薯麵都幾特別，口感軟滑，味道較淡，配埋個酸菜食就啱啱好！不過個湯底有啲少，多返啲啲會更好！
🧡奶茶（跟餐+$5）
奶茶同一般茶記差唔多，正常發揮！
Post
