吃茶三千 (MOKO新世紀廣場)

Open Now

Now Closed

上網經常都見到呢款用麻繩作手抽設計嘅茶飲，今日睇完戲見唔係太多人，終於有機會試了。呢度嘅茶飲可以自由搭配茶底、調味及配料，剩係茶底都有六款咁多，每款茶底都係用萃茶機現萃茶葉而成，所以等候需時。除咗自由搭配之外，亦有八款人氣茶飲，懶得諗嘅我就揀咗珍珠奶茶及水果茶。國王珍珠奶茶 :茶底係鳳眉紅茶，入口茶味甘香濃郁，皇家厚奶令奶茶更絲滑，再加埋Q彈嘅珍珠，味道口感都好滿足。寶島經典水果茶 :同樣係鳳眉紅茶茶底，加入水果又係另一番風味，味道酸酸甜甜，清新之餘亦份外消暑解渴，飲完仲可以食埋杯入面嘅水果片，感覺好健康。