Video
Read full review
2024-01-19
18 views
七點都未夠已經好full，好彩book咗位，入去坐吧枱同朋友吹水都好chill🥳入到去就叫咗份海鮮沙律($108)同幾款招牌炸串，沙律入邊有油甘魚吞拿魚粒粒，都幾新鮮！炸串試咗秋葵蝦串($44)、雞肉蛋豬肉卷($38)同雞柳紫蘇($50)。大推炸雞肉蛋豬肉卷，係炸溏心蛋出邊再包住免治雞肉同一層薄薄嘅豬肉卷，再加埋舖頭自家調製嘅炸串汁酸酸地好好食！朋友話一定要點牛腸鍋($320)就試吓，我哋叫咗檸檬鹽味，店員都好貼心提我哋滾起咗牛腸同明太子淥30秒至1分鐘就可以食得。牛腸偏肥同幾有𡁻口，我就麻麻不過朋友就好鍾意，但係隔離嘅韭菜芽菜同椰菜索晒啲湯汁就好好食！呢度比較特別嘅仲有鐵盒蒸生蠔($240)，店員會拎出嚟俾我哋睇咗同影相先去蒸，每一隻都好大隻飽滿，而且蠔味濃郁，仲會配埋辣汁同檸檬汁俾我哋點嚟食，更加鮮味。
七點都未夠已經好full，好彩book咗位，入去坐吧枱同朋友吹水都好chill🥳
入到去就叫咗份海鮮沙律($108)同幾款招牌炸串，沙律入邊有油甘魚吞拿魚粒粒，都幾新鮮！
炸串試咗秋葵蝦串($44)、雞肉蛋豬肉卷($38)同雞柳紫蘇($50)。
大推炸雞肉蛋豬肉卷，係炸溏心蛋出邊再包住免治雞肉同一層薄薄嘅豬肉卷，再加埋舖頭自家調製嘅炸串汁酸酸地好好食！
朋友話一定要點牛腸鍋($320)就試吓，我哋叫咗檸檬鹽味，店員都好貼心提我哋滾起咗牛腸同明太子淥30秒至1分鐘就可以食得。
牛腸偏肥同幾有𡁻口，我就麻麻不過朋友就好鍾意，但係隔離嘅韭菜芽菜同椰菜索晒啲湯汁就好好食！
呢度比較特別嘅仲有鐵盒蒸生蠔($240)，店員會拎出嚟俾我哋睇咗同影相先去蒸，每一隻都好大隻飽滿，而且蠔味濃郁，仲會配埋辣汁同檸檬汁俾我哋點嚟食，更加鮮味。
Post
