Rakuraku 樂拉麵 (康怡廣場北座) (Closed)

去太古行街，一直都以為太古附近啲餐廳食物品質應該都唔會差得去邊，見到日本拉麵就走入去試試。中午時間去，我叫咗個"石頭鍋龍蝦湯海鮮泡飯"，見到主要得3個飯，應該係主打菜，點都會ok，但係點知個飯好淡味，海鮮好少，湯冇味，飯泡到"粘"嗮，完全唔好食。我身邊嘅人點了"櫻花蝦龍蝦湯拉麵"。網上見啲人話值得一試，點知湯係有味嘅，不過唔係好味，櫻花蝦香，但系冇肉食，個叉燒定係唔知咩肉，都好淡，一句講嗮我唔會再嚟。最好食嘅竟然係前菜嘅沙律。係對面仲要坐咗一家三口，個小朋友得4、5歲，個媽媽不停咁教訓個仔，要佢食野，可憐個小朋友，啲食物質素咁差，唔想食仲要被啊媽逼同鬧，唔食唔得。搞到我哋都食得唔安寧。