群記爽腩店 (Closed)

因為我老婆約左人出街食飯，又係淨返我自己一個人食，放左工唔知食咩好，之後過灣仔188行街啦，行到去遠望見到有間牛腩店，不如食牛腩飯啦，去到門口望下餐牌原來有好多唔同既牛腩，有坑腩、爽腩、崩沙腩、面珠墩等等。入到去諗下想食邊個位置既牛腩啦，因為係其他粉麵店唔係有咁多唔同牛腩既位置，平時真係好少食其他位置，食來食去都係牛腩牛筋，今次特別d叫左個【崩沙腩飯】來試，一來到見到都幾靚，第一啖飲左個湯先（個濃湯說到用了多少材料再經過多久時間去煮成，個人覺得佢地應該有加＜八角＞落埋一齊煮），所以勁好飲，到個崩沙腩，我真係好少食，所以食落口好特別，爽爽地又有咬口又不會太硬，岩岩好。我下次一定會來試埋其他位置既牛，真是值得一讚！