利寶閣 (Closed)

係點心放題！觀塘鱷魚恤中心呢間「利寶閣」竟然有假日午市2小時點心放題任食！之前食過佢既點心都真材實料，味道不錯，印象不錯。放題都好多點心款式可以揀，仲有粉麵飯，小食同甜品。每位仲送原隻鮑魚酥同足料花膠灌湯餃。第一次食鮑魚酥，幾得意，有原隻鮑魚係個蛋撻皮到。灌湯餃就大大隻，皮薄饀料足，味道鮮！點左好多點心，包括珍珠帶子腸粉、义燒腸粉、鮮蝦菜苗餃、晶瑩鮮蝦餃、奶皇流沙包、沙田雞粥等等，仲有甜品楊枝甘露、北海道十勝紅豆雪糕脆麻花、懷舊馬拉糕，物超所值！