鐵牛台灣牛肉麵 (旺角中心第一座) (Closed)

今日行開旺角中心，見到呢間台灣野，有下午茶餐，好似幾抵咁，所以就入嚟試吓。下午茶餐單上有三樣嘢要揀，首先係主菜，有滷肉飯或幹伴麵麵可以揀，因為冇食午飯嘅原因有啲肚餓，所以揀咗滷肉飯。小食方面，有成七八款可以揀，選擇非常之多，我揀咗冷般青瓜，豬耳同牛耳。雖然份量唔係太多，但係下午茶黎講，已經會食到好飽，所以覺得份量啱啱好。最後係飲品方面，叫咗凍冬瓜茶，不過冬瓜茶有啲甜，如果甜到可以調整一下，會更好。