三人行燒烤專門店

Open Now

Now Closed

最近鐘意左食串燒，今晚心思思又好想食😍周圍search下附近有咩好野食，俾我揾到呢間三人行燒烤專門店😋雖然餐廳開係巷仔入面，但餐廳裝修光猛，座位乾淨闊落，冷氣仲好充足！晚餐時間7點鐘到，已經差不多坐滿晒，過左一陣已經出面要等位，好彩我早左小小到😁👍🏻👍🏻必食頂級安排斯牛小排$118，呢個價錢真係好抵食。三成熟剛剛好,肉質好嫩好juicy, 牛肉濃郁，面頭有黑椒碎同鹽，加埋芥末醬，提昇左味道😆👍🏻份量仲好多，仲有露筍拌碟，真心抵食！👍🏻金菇肥牛卷$22, 牛肉燒到少少脆身，加埋金菇好爽口，好夾！雞全翼$18同雞中翼$18都係好正，燒得剛剛好，好香口。👍🏻👍🏻燒雞脾$32又係必食推介，好大隻！切開左三件方便食，雞肉超級嫩滑！辣辣地超級惹味😋😋👍🏻蒜蓉燒蠔$32, 燒完都仲幾大隻，鮮嫩多汁，幾新鮮👍🏻牛油開邊大花蝦，又係大大隻，蒜蓉超級香，蝦肉彈牙，冇得頂😋最後叫左d蔬菜清下腸胃😆 蔬菜好抵食，都係十幾蚊一串，大大串，好新鮮好多汁😋😋韮菜$14好長好抵食😆😂露筍大大份又惹味$20，娃娃菜$16有三大棵。超級滿足一餐，我見openrice 訂座仲有9折，下次一定要訂座先。