惠 (Closed)

今次嚟到一間超抵食嘅Omakase ,咁我見到佢有個lunch set嘅Menu$1080，嘢食都係超級多嘅。一去到坐低侍應就好細心講解餐牌大概會有啲咩食，問吓我哋有冇啲咩野係唔食既，超級細心。食物質素👍🏻👍🏻👍🏻👍🏻👍🏻回頭指數👍🏻👍🏻👍🏻👍🏻👍🏻最吸引嘅就係岩手縣廣田灣生蠔，一開頭你都見到咁肥美嘅生蠔就已經忍唔住要打卡，廚師喺我面前細心咁放上一啲金箔，靚到唔捨得食。煎帶子配上薄荷汁 ，呢種嘅配搭我都係第一次見，帶子煎得好香，內裏仲係好嫩口，估唔到配上薄荷汁，又係另一種風味。喜之次壽司，喜之次係一種珍貴嘅魚，師傅話佢係魚王。初春呢一個季節食係最好味嘅，油脂會比較多，魚膠質都好重。