Video
Read full review
2015-06-18
1625 views
今日係我女朋友生日 知道旺角新開左一間日式放題叫至尊滿屋就諗住帶女朋友去試下 因為早幾日就訂左位 咁今日就大約7點幾左右去到瓊華 諗住入去試下好唔好食咁 因為第一次去 見到間野入面既人客都唔小 裝修都幾靚 擺設亦都好可愛 環境都幾好 幾乾淨整潔 之後就有個服務員好有禮貌咁問我地有無訂位 然後再有專人帶我地去我地所訂既枱號就座 我地一坐低就梗係睇下有咩好野食啦 就先叫左好多刺身同壽司 試下好唔好食先 我地叫左都唔夠5分鐘 就有一大盆刺身放左係我地枱面 有一盆刺身盆上面仲有一條魚 初初以為係裝飾黎 點知條魚仲識郁 刺身既味道唔錯 比起出面既其他刺身有過之而無不及 我女朋友亦都大讚好味 夠新鮮 賣相又夠吸引 最重要既係 夠曬大盆 因為我地訂既係2人枱 枱面既位置唔夠 啲服務員都好醒目 都我地收走啲野 而且仲不斷幫我地換碟 態度一流 我地食完刺身無耐 就送左一盆煙三文魚 一打開上面張紙 仲識冒煙 而且好大陣煙燻味 簡直係視覺同味覺都一流 黎到呢到梗係唔係只係食刺身咁簡單啦 仲叫左好多小食同熟食 仲有壽司
因為早幾日就訂左位 咁今日就大約7點幾左右去到瓊華 諗住入去試下好唔好食咁
因為第一次去 見到間野入面既人客都唔小 裝修都幾靚 擺設亦都好可愛 環境都幾好 幾乾淨整潔 之後就有個服務員好有禮貌咁問我地有無訂位 然後再有專人帶我地去我地所訂既枱號就座
我地一坐低就梗係睇下有咩好野食啦 就先叫左好多刺身同壽司 試下好唔好食先
我地叫左都唔夠5分鐘 就有一大盆刺身放左係我地枱面 有一盆刺身盆上面仲有一條魚 初初以為係裝飾黎 點知條魚仲識郁
刺身既味道唔錯 比起出面既其他刺身有過之而無不及 我女朋友亦都大讚好味 夠新鮮 賣相又夠吸引 最重要既係 夠曬大盆
因為我地訂既係2人枱 枱面既位置唔夠 啲服務員都好醒目 都我地收走啲野 而且仲不斷幫我地換碟 態度一流
我地食完刺身無耐 就送左一盆煙三文魚 一打開上面張紙 仲識冒煙 而且好大陣煙燻味 簡直係視覺同味覺都一流
黎到呢到梗係唔係只係食刺身咁簡單啦 仲叫左好多小食同熟食 仲有壽司
其中叫左一個咖哩雞煲 因為我女朋友好中意食辣 而我自己就一般般 所以對中意食辣既朋友黎講 呢個係唔錯既選擇
係我地品嘗緊美食既時候 呢到既經理同服務員都非常細心 問我地覺得啲食物點樣 有咩改善 務求做到最好 呢黎服務態度 今時今日已經好難揾得到
由於今日係我女朋女生日 呢到唔單止有蛋糕送 個蛋糕仲係流心既 仲有香檳送 最正既係呢到比起其他放題店 有更多既飲品選擇 而且全部都係自助既
另外為左慶祝我女朋友生日 仲叫左啲海膽 呢到啲海膽 入囗既溶 好食到唔知點形容
食飽飽當然試埋呢到啲甜品啦 有好多款選擇 有oreo 有豆腐花 有奶油cake 多不勝數
除此之外 仲有雪糕可以拎 有朱古力味 草莓味 雲尼拿味
雖然呢一餐 同出面價錢差唔多 但係 呢到可以食到既比出面多好多 而且服務態度非常好 啲野食又黎得好快 絕對值番個價錢 絕對值得各位朋友一試
呢一餐放題 係我同我女朋友食得最舒服 最滿意既一次 唯一一樣唔係咁滿意既 就係個廁所有啲難揾。。。。。
Post
