616牛肉火鍋專門店 (星峰薈) (Closed)

最近天氣真係好反覆，一時熱一時涼，見今日天氣都涼涼哋，所以決定推打返個邊爐，暖暖身😂。今次嚟到位於將軍澳嘅香港九龍東自選假日酒店嘅616牛肉火鍋專門店，過嚟都幾方便，將軍澳站C出口直出對面就可以穿到商場過去酒店。。依家餐廳做緊一個限定優惠，二百幾蚊就可以食到由日本長野縣直接空運到港嘅信和牛🤩，佢分別有牛肩胛、牛腹肉、牛赤身。佢嘅脂肪分布靚到不得了，食落口充滿油脂感，而且一啲都唔膩，牛味仲好濃郁添😝。。我哋叫左鴛鴦青花椒牛骨湯，青花椒辣辣地，而且越食越過癮，配上牛肉，更加入味👍🏻。另外，除咗信州和牛之外，佢係其他本地牛肉都幾好食，尤其係牛上肋同牛朴肉，咬落更加有口感🙈。