炊豕店 (威靈頓街) (Closed)

炊豕係中環熱門餐廳之一，貪其又平又好食。最出名既係蔥油豬扒飯，幾乎枱枱都有order。豬扒炸得香口又juicy，而且夠晒用味，相信醃料方面用左唔少心思。蔥油方面亦值得一讚，同平時配白切雞既蔥油唔同，無落咁多油，亦減少放調味料，但依然保持香味，配飯一流！另外，沖繩豬軟骨飯亦是熱門之一。豬軟骨炆得夠晒稔同入味，一咬就開，但仍保持肉質嫩滑。而配菜蓮藕同蘿蔔都增色不少，蓮藕入味之餘仍然爽口，蘿蔔就又稔又入味。我對飯好有要求，炊豕既飯就岩晒我口味，夠晒飯香，口感軟糯，值得推薦