鳴門割烹料理 (Closed)

星期六中午，悠閒地嚟到國際交易中心，見到有間鳴門，記得N年前拍拖嘅時候都有食過一間叫鳴門嘅日本菜，印象中質素唔錯，相信係同一集團，於是乎就走咗入去，諗住慢活地過一個中午。見到佢有個半自助放題，都幾少見日本餐廳會有呢個形式，價錢又唔貴，好似幾吸引。佢嘅煮食都有八款選擇，生食熟食都有。而半自助放題方面，選擇當然冇出面嘅放題店咁多，但都係大路嘢，絕大部份都啱食。食放題當然先來個刺身，我哋就食咗兩round，兩回合嘅刺身質素都算唔錯，用料新鮮，而且排列得整齊精美。呢個半自助課題仲每人會有一隻磯煮鮑魚，用醬汁製作過嘅鮑魚，入味得來仲能夠保持到鮑魚爽口彈牙嘅肉質，好味！放題方面，我哋點左兩款沙律，沙律菜非常新鮮，「胡麻豆腐沙律」嘅豆腐好滑，胡麻醬份量適中，「角切魚生沙律」嘅醬汁混入咗少許wasabi，相當惹味。壽司方面，飯嘅份量比平常細，令食客可以留肚食其他食物。帆立貝、北寄貝等都好新鮮！食過壽司刺身之後，我哋就點咗主食，首先嘅係安格斯肉眼扒。佢係薄切牛煎香後再切件，配上燒汁，一件一口，有少許肥膏，所以肉質好淋好滑，份量亦多！另外就點咗燒銀鱈魚，銀鱈魚煎得香口，魚皮微脆，魚肉保持嫩滑，兩份主食我都