泰屋

Open Now

Now Closed

臨測驗受死之前食個靚靚下午菜，上網搵一搵決定食泰屋，點解？因為午餐$50都唔駛，仲有特價小食同$20-30既下午茶。綠色既椅子同梳化連同落地破璃既仿樹葉裝飾，共同營造一個綠悠悠既環境。天花板以木砌成井字型幾靚。叫左兩款小食好快上菜。炭燒豬頸肉燒得非常香囗，入口唔膩，質感仍然保持乾爽。另一款小食係馬拉盞炒通菜，夠鑊氣特別惹味。份量亦夠多。越式肥牛河粉超大碗，湯好清甜，更滲透淡淡洋蔥獨特香味。河粉唔會一舊舊咁。泰式燒雞扒飯又係大大份，雞扒燒得非常香口，肉質唔會太鞋。每人各叫一杯三色冰同椰汁冰。泰屋最正既係有免費wifi，密碼仲會寫埋係餐牌，唔需要特登問職員攞密碼。整體來講，午飯真係超抵，迫不及待搵日再食。