協奏坊西餐廳 (Closed)

今個月想同家人慶生, 想揾高質又實惠的酒店自助餐。有朋友推介協奏坊西餐廳, 平日自助晚餐只要HKD398一位, 咁經濟當然黎試下。餐廳好光猛, 以白色為主調, 座位幾舒服, 整體俾人一種好整潔的感覺。今期自助餐以"戀上法日海鮮"為主題, 海鮮區令人興奮, 有長腳蟹、面包蟹、龍蝦仔、蝦、青口，仲有香芒龍蝦沙律。樣樣都幾新鮮，我最喜歡長腳蟹，完全唔咸, 肉質結實鮮美。Salad Bar各款蔬菜好爽脆，多種醬汁配料任君配搭。刺身有希靈魚、三文魚、帶子同吞拿魚，壽司類都有好多選擇，材料新鮮唔在講，連平日覺得好乾的希靈魚呢度都出奇地好食。熱盤選擇亦唔少，雖然我主攻冷盤，我都認唔住ENCORE香煎鵝肝同炭燒伊比利亞豬鞍。甜品方面都好有驚喜。個人好喜歡蜂蜜柚子芝士蛋糕，清甜不膩。仲有兩款MOVENPICK雪糕, 小朋友又可以自己整PANCAKE。總括黎講呢間餐廳CP值幾高, 下次會再幫襯。