Video
Read full review
2019-04-29
1193 views
送貨送到嚟元朗，同同事求其入間酒樓，諗住食個小菜晚飯啦~ 點知見到打邊爐$138😍唔係嘛🙄仲係任飲任食😅對於我哋呢啲鍾意打飲番兩杯，十下十下嘅人，簡直係驚喜價👍叫咗個椰子雞湯底嘩。。。平時淨係呢個湯底都要百幾蚊呀😜個湯頭雪白色，仲有半隻鮮雞，淥一陣先食咗個雞，雞肉唔錯喎，又嫩又滑😋打邊爐最緊要梗係有牛肉啦，美國肥牛，唔差噃👍肥瘦適中🤗我哋兩個人食咗成十碟呀😜皆因啲料嚟得好快，吾會因為價錢平而拖單😂仲有好多配料都係任食任叫，有大魚頭，滑牛，鵝腸。。。新鮮滑牛，口感一流😋我最喜歡就係竹笙，鮮淮山，鮮腐竹，食得肉多梗係要搵啲嘢中和返啦😆手打牛丸墨丸，新鮮彈牙👍醬料隔離有生筋，響鈴，炸魚皮，真係應有盡有。如果想食蔬菜可以去凍櫃度自己攞，裏面有金菇 ，雞髀菇 ，出前一丁。。。午餐肉都有👍仲有其他鮮蔬菜添😊啤酒，汽水，任君選擇😍$138呢個價錢，十年前都吾只😅見隔離檯叫蒸汽鍋，望望個餐牌$298，真係豐儉由人 。埋單走嘅時候見到樓梯旁邊，掛咗好多傳統小菜嘅相，梅菜扣肉， 盆菜，下次可以嚟呢度做節食飯噃🤩
送貨送到嚟元朗，同同事求其入間酒樓，諗住食個小菜晚飯啦~
點知見到打邊爐$138😍唔係嘛🙄仲係任飲任食😅對於我哋呢啲鍾意打飲番兩杯，十下十下嘅人，簡直係驚喜價👍
叫咗個椰子雞湯底
嘩。。。平時淨係呢個湯底都要百幾蚊呀😜
個湯頭雪白色，仲有半隻鮮雞，淥一陣先食咗個雞，雞肉唔錯喎，又嫩又滑😋
打邊爐最緊要梗係有牛肉啦，美國肥牛，唔差噃👍肥瘦適中🤗
我哋兩個人食咗成十碟呀😜皆因啲料嚟得好快，吾會因為價錢平而拖單😂
仲有好多配料都係任食任叫，有大魚頭，滑牛，鵝腸。。。
新鮮滑牛，口感一流😋
我最喜歡就係竹笙，鮮淮山，鮮腐竹，食得肉多梗係要搵啲嘢中和返啦😆
手打牛丸墨丸，新鮮彈牙👍
醬料隔離有生筋，響鈴，炸魚皮，真係應有盡有。
如果想食蔬菜可以去凍櫃度自己攞，裏面有金菇 ，雞髀菇 ，出前一丁。。。午餐肉都有👍仲有其他鮮蔬菜添😊
啤酒，汽水，任君選擇😍
$138呢個價錢，十年前都吾只😅
見隔離檯叫蒸汽鍋，望望個餐牌$298，真係豐儉由人 。
埋單走嘅時候見到樓梯旁邊，掛咗好多傳統小菜嘅相，梅菜扣肉， 盆菜，下次可以嚟呢度做節食飯噃🤩
Post
