發哥粥底海鮮火鍋 (Closed)

今日約咗朋友打邊爐聚下舊，發哥粥底火鍋有兩間分店，佢地日頭係冰室食下茶餐，夜晚先有火鍋嫁。呢到環境寬落，卡位都坐得舒服，枱與枱間有距離，唔會好似酒樓咁成日驚碰撞到。我地今日叫嘅係龍蝦餐，一黎到嘅有湯同蒜焗青口，湯相信係一盅盅咁燉，每盅都好足料，好甘香，青口亦非常好食，新鮮同時有好濃郁嘅牛油蒜香味。食完頭盤，主角出場喇！海鮮拼盤內容豐富，有生猛龍蝦，唔講得笑，仲識郁，一定係啱啱先劏，仲有貴妃蚌，蜆，蟶子，生蝦，最鍾意食蜆，洗得乾淨無沙，肉質又新鮮鮮甜，正！每人盛恵3xx，咁好嘅質素同咁抵，邊到揾呀？