星‧68 (Closed)

朋友推介去星.68吃大閘蟹餐，話好抵食又好食。大閘蟹套餐午市(上午11時至下午5時)及晚市8點半後，尊享優惠價$368/位(兩位起)，原價$398/位。用云閃付銀聯二維碼付款，消費淨額$500或以上，送$50現金券(下次惠顧使用)。因媽媽愛吃，今晚便帶佢去試下，果然物超所值。據部長解釋，星.68嚴選「黃毛金爪」高質靚蟹，隻隻鮮活多膏。吃過果然是正貨，很美味，性價比高，抵食好食過我在南貨店買的。大閘蟹公約重5両，大閘蟹乸約重3両半。個餐可品嚐到2皇1后，共3隻大閘蟹，完全滿足到我們的食慾。上菜是分3輪，先吃1隻蟹皇，吃完再上一隻蟹后，吃完蟹后最後再上另一隻蟹皇。保證每隻蟹上菜都熱辣新鮮。大滿足!個餐任飲陳年彫皇，因為酒太醇香太順喉，我不經不覺破紀錄飲了5小杯🤫😋，竟然沒有頭暈。媽媽唔飲花彫，佢飲「丸•茶手作」凍蜂蜜檸檬，話酸甜好味。個餐其他食物也甚有水準，美味。金磚豆腐香滑不油腻，肴肉沾醋更可口。粟米鮮蝦羹鮮甜。红糟菌皇金姿有鑊氣。蟹粉小籠包汁鮮甜肉嫩。家嫂臘味糯米飯好食，加埋甜豉油更美味。甜品红棗糕很精美。吃完蟹餐廳提供美味香甜的薑茶給食客驅寒，很貼心。點蟹的醋香甜有薑米，呷醋也美味。