亞玉豆腐花

Open Now

Now Closed

荃灣既平靚正豆腐花，食過無數次，而且即食/外賣都得，用瓦碗即場立食，好有懷舊feel，要感受下呢個風味。豆腐花 $5，雙拼 $8，仲有砵仔糕同糍粑。凍紅豆豆腐花 $9，雙拼唔使落糖水都得，不過呢度既薑糖水都好吸引好正。豆花凍食都同樣滑溜，熱食直頭無得頂。豆味都明顯，配香甜軟糯紅豆沙，兩者好夾，而多份香甜。凍芝麻豆腐花 $9呢款熱食會更美味，豆腐花配濃厚芝麻糊，令芝麻糊無咁杰身同不膩，兩者都好細滑，入口快要滑到喉嚨，好香既芝麻味，做得好好。見到砵仔糕$3/個，剛好出爐，微熱比平時的更好食，有大量飽滿香甜既紅豆粒，砵仔糕好香好彈。順便買埋客家糍粑 $15/3個。嘩，超正！睇下幾爆餡，我都覺得驚喜，一咬就爆餡，好多花生芝麻碎既餡，芝麻勁香，餡料微甜，糍粑皮超薄超好咬，整體味道同質感都超讚。