JK Brother's (Moved) New Location

最近食多左韓式餐廳，一黎韓式餐廳愈開愈多，二黎個人都幾中意食韓菜！哈哈豬骨濃湯海鮮烏冬一般豬骨湯麵配料都係配肉，但呢度比較少見係配海鮮，店員話我地聽原本係會有青口但剛好無晒，介唔介意，會轉左其他他配料俾我地，就係蜆。蜆出乎地好味，剛熟，所以好林，脹卜卜的！烏冬好彈牙有口感，配菜份量都好多。由於豬骨湯味比較清，所以好能食到蜆同蝦呢類海鮮味。新村薄餅因為其他食物都要時間制作，係等既時候有個薄餅可以咬下都幾好，不過有種似係韓式煎餅感覺。薄餅皮係煎過上面放入薄餅料再焗。芝士勁多，餡料有好似蠟肉既肉粒，好香口，味濃！應該係豬手泡菜爆炒芝士豚肉估唔到份量有咁多！！成大碟！而且會你面前製作！職員先將豚肉分開烤熟，之後再處理其他配菜，最後放到你面前時已經係一份肉加菜！泡菜少辣，而肉質有種煙韌感，好林，加埋芝士，全部一齊放入口，個人覺得好似韓劇個種一匙食法最好，而且味道配合得好，有齊色香味同各種口感，好值得推薦！芝士高麗醬烤雞呢款會係你面前煮溶芝士，直到芝士可以拉絲再同每件雞倦起一件一件，擺好，夾俾你食！招呼一流！唔好睇少，份量其實都好多，優惠價好抵食！希望唔好甘快加價啦！懶人既我點左要無骨烤雞，啖啖肉