至尊滿屋日本料理 (Closed)

今日朋友約食飯佢主動揀咗呢一間位於旺角嘅至尊滿屋食放題。都係放題店嘅擺位有小食熱食咖喱飯甜品生果湯都有好多選擇。但係最重要係啲酒係咁飲仲要有梅酒清酒啤酒任飲。飲食係用紙仔剔，上菜速度快，唔要等好耐，刺身海膽都好新鮮，好味。但最驚喜莫過於一品料理花膠蠔皇冬菇，好味又多花膠，仲要任食。啲串燒好出色，鹽 燒雞翼超讚，嘅睇得出好用心去燒，夠脆又唔燶，羊架燒到骨邊好香，推介。天婦羅炸物同樣出色，尤其燒菠蘿好多汁好好味，睇得出用靚食材，所以樣樣食物都好有水準。最後每人一杯Haagen dazs 期間限定香橙雪糕一杯，以價錢$188 加一 簡直係完滿抵食的一餐。