Video
Read full review
2022-12-25
69 views
十二月係增肥嘅日子，特別多聚會，今次要介紹呢間近排成日喺FB見到大大盤尖塔飯嘅南洋家。店舖主要做外賣，唔好睇佢好似細細間，但其實無論小食丶前菜丶主食丶甜品丶飲品，都有多款選擇，價錢合理，好啱同朋友聚會，嚟準備嘢食。斑蘭雞(1/4隻) $40特別推介～ 用新鮮龍崗雞製，肉質嫩滑，脂肪較少，啖啖肉，完全唔覺得油膩，配有斑蘭醬&黑醬油，兩款都好味！雖然係1/4隻，但份量好足，性價比好高！超值！黑面神炒麵 $38 原來客家狗仔粉已經無出，可惜… 就改為試黑面神炒麵，好重胡椒味，涼涼地嘅天氣好暖胃！香菇丶肉絲丶肉碎丶芽菜，麵條煙靭，即點即炒，夠穫氣！泰式燒豬頸肉 $40肉質爽口，泰式辣汁先係精粹！泰式豬腳 $40夠入味，夠腍，送飯一流泰式酸辣魷魚 $38愛嗜泰菜嘅一定會鍾意，魷魚質感爽口，一啲都唔靭，泰式酸辣汁夠惹味！必試！沙嗲串燒 (4串) $50 任揀4串$50，算幾抵食～ 串燒即點即燒，要啲時間，所以要啲耐性等一陣燒雞中翼 x2 燒花枝丸 燒牛脷 牛肉 x4 泰式芒果糯米飯 $38雜錦千層糕(3件) $20薑汁 - 好夠薑味，個人最鍾意呢款芝麻 - 黑芝麻味好香，仲食到有芝麻微粒斑蘭 -
十二月係增肥嘅日子，特別多聚會，今次要介紹呢間近排成日喺FB見到大大盤尖塔飯嘅南洋家。店舖主要做外賣，唔好睇佢好似細細間，但其實無論小食丶前菜丶主食丶甜品丶飲品，都有多款選擇，價錢合理，好啱同朋友聚會，嚟準備嘢食。
斑蘭雞(1/4隻) $40
特別推介～ 用新鮮龍崗雞製，肉質嫩滑，脂肪較少，啖啖肉，完全唔覺得油膩，配有斑蘭醬&黑醬油，兩款都好味！雖然係1/4隻，但份量好足，性價比好高！超值！
黑面神炒麵 $38
原來客家狗仔粉已經無出，可惜… 就改為試黑面神炒麵，好重胡椒味，涼涼地嘅天氣好暖胃！香菇丶肉絲丶肉碎丶芽菜，麵條煙靭，即點即炒，夠穫氣！
泰式燒豬頸肉 $40
肉質爽口，泰式辣汁先係精粹！
泰式豬腳 $40
夠入味，夠腍，送飯一流
泰式酸辣魷魚 $38
愛嗜泰菜嘅一定會鍾意，魷魚質感爽口，一啲都唔靭，泰式酸辣汁夠惹味！必試！
沙嗲串燒 (4串) $50
任揀4串$50，算幾抵食～ 串燒即點即燒，要啲時間，所以要啲耐性等一陣
燒雞中翼 x2
燒花枝丸
燒牛脷
牛肉 x4
泰式芒果糯米飯 $38
雜錦千層糕(3件) $20
薑汁 - 好夠薑味，個人最鍾意呢款
芝麻 - 黑芝麻味好香，仲食到有芝麻微粒
斑蘭 - 印尼甜品必備嘅味道，好味
蕉葉香蕉糕 $8/件
喺蒸爐拎出嚟，原來係熱食嘅，蕉葉味嘅糯米糰包住香蕉條，另外店長話木薯糕都好食，留待下次再試
椰汁黑糯米 $38
呢款係店長特別推介，黑糯米夠軟糯，如果啲椰汁加返少少甜會更好味
炸蝦片 $15見掛喺門口好吸引，大大塊，忍唔住買咗一包試，約4mm厚，香脆好味！好啱做餐前小食～
Post
