韓舍 (Closed)

4月22日同學生日，相約一起到韓舍食放題，好彩一早預訂，7點到達，侍應生見我哋攞住蛋糕，先將蛋糕放好，再安排座位，5位成人坐一張長方型枱，舒服唔迫夾，地方非常寬敞。除咗朋友聚會，亦都適合一家大細。食物種類非常多除咗韓式燒烤外，有日本壽司及魚生，日式沙律，枝豆，炸蝦，炸薯，麥樂鷄，大板燒，手打稻庭烏冬。熟食有韓式炸鷄，煮牛尾，日式豬扒，豬腳薑，酸菜魚，釀蕃茄，蒸蛋，大家記住要試欖角桂花骨......超好味！凍食有蝦，青口，泡菜，日式小食，DIY沙律。甜品又點少得，焦糖燉蛋，泡芙，馬卡龍，水信玄餅，種類太多不能盡錄，大家睇相啦⋯⋯最後特別要提，侍應們服務非常好，我們7點食到9點3，都沒有黑面，如果係其他地方，未到8點9已被提醒！