住家菜 (Moved) New Location

個仔由BB開始每年都帶佢去睇聖誕燈飾，今年都唔例外。睇完燈飾就尖東食飯，估唔到帝國中心內幾間中式食肆都好旺，尤其係依間，人龍最長所以揀佢。好彩都係等了二十分鐘就有位。見佢標榜老火湯無落味精就要一煲，其他有鎮江骨、中式牛柳、粟子雞煲及蒜茸白菜仔，仲有紅棗糖水送。佢地所賣菜式全部都係好普通住家菜正如其名，至於是否健康烹煮就見仁見智。個人最欣賞係煲湯，真材實料正宗老火湯，老婆最欣賞係糖水，至於D唔係話佢唔好，只不過用料方面差少少，所有肉類都係雪藏貨，無肉味，全靠烹調功夫。但係每樣都只賣四十幾，已經好超值。